رواية اسيره في حمى الفارس
الفصل الثالثه
بقلم جنه الاحلام
مر أسبوع علي جورى واسراء في الكليه
والاحوال مستقره بيحضروا كل المحاضرات بانتظام وبيذاكروا المحاضرات أول بأول
جورى: يلا يااسراء هنتأخر علي المحاضره
اسراء: ياستى ماتقلقيش مش متأخرين ولا حاجه
دخلوا المدرج وكانت محاضره الدكتور آسر
وكالعاده جورى مهتمه ومركزه معاه في كل كلمه
بس ملاحظه ان البنات بتحاول تسأل وتناقشه وتقاطعه كتير عن اى دكتور تانى
محاوله منهم للفت نظره
فحب يسكتهم فسأل سؤال ذكااء صعب
طبعا كل المدرج سكت
آسر: حد يقدر يجاوب السؤال ياشباب؟!!
بعد ثوانى رفعت جورى ايديها علي استحياء
وجاوبت السؤال بس بصوت هادى ومتوتر
آسر: لو سمحتى علي صوتك شويه من فضلك
حاولت جورى تعلي صوتها وجاوبت السؤال
آسر مبتسما: ممتاااااز اسمك إيه؟
جويريه: جويريه محمود
أسر: ممتاز ياجويريه بس ليه مش بتتفاعلي معانا في المحاضره لو عندك اى اسئله علي اللي المحاضره اللي فاتت اتفضلي؟!
جويريه بهدوء: لا متشكره انا فاهمه اللي فات كويس
آسر حب يتحداها فسألها سؤال في المحاضره الاولى
وجاوبت جويريه اجابه ممتازه
آسر باعجاب: ممتازه انتى كان مجموعك كام في ثانوى
جورى: ٩٤%
آسر: تمام ياجويريه اتفضلى اقعدى
وطبعا نظرات الكل محاوطاها باستغراب ازاى قدرت تلفت نظر آسر رغم بساطه مظهرها ووهما رغم كل محاولاتهم فشلوا في ده
إسراء هامسه: عظمه على عظمه ياست
بس ايه الصلصه اللي ضاربه في وشك دى😁 خجوله ياجورى طلعالي
انتهت المحاضره وبدأوا كله يخرج
وهو واقف بره لما خرجت نادى عليها
آسر: جويريه..
جويريه استغربت عايزها ليه: ايوه يادكتور!!
آسر بحيره: كنت عايزه اسألك سؤال هو انتى مارحتيش كليه هندسه ليه مادام مجموعك يسمح ؟!
جويريه بهدوء: النصيب
آسر ضاحكا: إجابه مقنعه.😁.
انتى من محافظه إيه ياجويريه؟!
جويريه: انا من القاهره
آسر باستغراب وبتلقائيه: معقولة افتكرتك من الأرياف
جويريه بهدوء: تسمح لى استأذن
آسر: آه طبعا اتفضلي
مشت جويريه ناحيه اسراء اللي كانت واقفه مستناياها
اسراء لاحظت الدموع متجمعه في عيونها
إسراء بدهشة: ايه ياجورى زعلانه ليه هو الدكتور قالك حاجه ضايقتك؟!!
جورى: مستغرب ان انا من القاهره
وبيقولى افتكرتك من الأرياف و
كملت بحزن
تفتكرى قصده يعنى لبسى ومظهرى؟!!!
اسراء: اكيد مايقصدش ده باين عليه معجب بشطارتك وذكائك
اكيد قصده حاجه تانيه
وبعدين يلا بينا بقي نرجع البيت انا مت من الجوع
★★★★★
في مقر شركه الجوهري
حسن: عايزك بعد افتتاح القريه السياحيه الجديدة بعد شهر تعمل إعلان ان شركتنا محتاجه موظفين ومحاسبين
عز بدهشة: بس الشركه مش محتاجه حد يابابا هنعمل اعلان ووجع دماغ ليه؟!!
حسن: اعمل بس اللي قولتلك عليه واتعلم وشوف أنا هعم
ل فيهم إيه؟!!
عز بعدم فهم: قصدك مين يابابا؟!!
حسن: طاهر بدوى اللي كلمتك عليه قبل كده
والواد ابن حمدى
عز: طيب ماتقولى ايه حكايه الناس دى يابابا؟!!
حسن: دول ياسيدى مفكرين انهم يقدروا ينتقموا من حسن الجوهرى ويوقعوا الشركه
اغبيه..مايعرفوش ان هساويهم بالأرض تحت رجلى
عز: برده مش فاهم حاجه احكى لى الحكايه بالضبط
حسن: الحكايه ومافيها ان كان فين محاسب شغال هنا من خمسة عشر سنه
عض الايد اللي اتمدت له بالخير وبدأ يتجسس على الشركه وعليا انا وعمك مصطفى وينقل الاخبار للشرطه
واللي يجى علي حد من عيله الجوهرى يبقي مصيره ايه ياعز؟!!!!
عز بغرور : يتمسح من على وش الأرض
حسن بحقد: وده اللي حصل ...صاحبه حب يكمل مسيرته وينتقم له
الصراحه وقتها كانت العين مفتحه علينا وماعرفتش أخلص منه زى صاحبه
واكتفيت بسجنه خمس عشرسنه
بس شكله ناوى يجى لقضاه تانى وبيساعده ابن حمدى
اللي شكله هيحصل ابوه قريب
عزبابتسامه اعجاب: منك بنتعلم ياباشا
حسن: خلاص يبقي تسمع الكلام وعايز بعد شهر من دلوقتى يكون ابن حمدى شغال عندي هنا في الشركه
ووقتها بقي هتقف وتتعلم علي حق
.......
★★★★
وصل طاهر لمكتب محاميه مشهور عنها الامانه والشرف
""اسمها هيام الصاوى عمرها٣٤سنه محاميه مجتهدة جدا في شغلها
رافضه الجواز بسبب عقدتها من انفصال والدها عن والدتها وهى صغيره""
طاهر: ممكن أقابل الاستاذه هيام من فضلك
السكرتيره: اقدر أعرف مين حضرتك؟!
طاهر: اسمى طاهر بدوى
السكرتيره: اتفضل اقعد حضرتك عما الاستاذه تخلص المقابله اللي معاها
وبعد نصف ساعة
السكرتيره: اتفضل يااستاذ طاهر الاستاذه بانتظارك
طاهر: السلام عليكم
هيام: وعليكم السلام اى خدمه اقدر اساعد بيها حضرتك؟!!
طاهر: انا جاى لحضرتك بعد ماسمعت كتير عن أخلاقك وشطارتك طبعا وكلى أمل انك تقدرى تساعدينى
هيام: متشكره لذوقك اتفضل حضرتك قولى ايه الحكايه وانا سمعاك وان شاءالله اقدر اساعدك..
حكى طاهر لها كل الحكايه وكانت هيام بتسمعه وهى فى حاله ذهوول
طاهر: كل اللي شاغل بالي ازاى انتقم منهم واخد تارى وتار صاحبى وعيلته
انا جمعت شويه معلومات عن شغلهم الفتره اللي فاتت وان شاءالله هحاول أخلى عاصم يشتغل هناك في الشركه وساعتها ممكن نجمع معلومات أكتر
بس عايز حضرتك تطلعى. علي المعلومات دى وتقولى رأيك القانونى
هيام: مش عايزه اخبى علي حضرتك وأقول ان الحكايه سهله بس ان شاءالله مفيش حاجه مستحيله
كل اللي نقدر نعمله دلوقتي اننا نحاول نجمع معلومات وأدله نقدر نثبت بيها التهم دى
ثانيا وده الاهم ننحاول نشوف حد من الكبار يدعمنا لان الناس دى مش سهل نقف قصادها
طاهر: زى مين ؟؟
.هيام: يعنى شركه منافسه مثلا وبينهم خلاف .... ممكن عضو مجلس شعب يكون محترم يتبنى الموضوع او لواء كبيرشرطه او جيش
من الاخر احنا ضعاف لوحدنا ولازم نشوف مراكز قوى نضمن بيها حمايتنا اولا
ثانيا اننا بعد مانتعب في جمع الأدلة نضمن ان تعبنا مايروحش علي الفاضى زى ماحصل مع صاحبك الله يرحمه
وماتقلقش انا مع حضرتك وان شاءالله مش ههدى إلا لما نجيب حقك وحق كل اللي اتظلموا
طاهر: متشكر جدا ليكى
كنت عايز من حضرتك خدمه لو تقدرى تساعدينى فيها أو تدلينى أوصل ليها إزاى
هيام: اتفضل
طاهر: حور بنت حمدى عمها اخدها وسافر.... من حوالي ١٤سنه ومارجعش مصر ومش عارفين عنهم حاجه
ممكن حضرتك تقوليلى الخطوات اللي اقدر بيها أرجع البنت
هيام: ماتقلقش خالص هات بيانات البنت وعمها وان شاءالله عندى اللي يخلص الموضوع ده
طاهر بامتنان وفرحه: بجد مش عارف اشكر حضرتك إزاى
هيام: علي ايه ده شغلي سيب حضرتك رقم تليفونك كمان ولو وصلت لاى معلومه هبلغك بيها
مع ألف سلامة
★★★★★
رجعت حور وهى عقلها مشغول
وبتفكر فى كلام آسر ليهاوحست انها متضايقه وبدأت تبكى بقهر
جويريه: ياربى انا هفضل كده طول عمرى
عايشه هنا ومش عارفه عن أهلى حاجه؟!!!
ياترى هما فين؟! وليه محدش بيدور عليا
لما تهت منهم وانا صغيره؟!!!بقالى سنين بسأل نفسى الأسئلة دى ومفيش إجابه
يارب اجمعنى بيهم قريب نفسى احس انى زى بقيه الناس
.......
جويريه مكنتش تعرف ان فى انتظارها زلزال رهيب هيغير مسار حياتها كله يوم ماترجع لأهلها
★★★★
مر الشهر وانتهى افتتاح القرية السياحيه وبالفعل عملت شركه الجوهرى اعلان طالب محاسبين وموظفين ومش مشترطين الخبره
عاصم: مش غريبه شركه بحجم شركة الجوهرى ما تشترطش الخبره؟!!
طاهر بحيره: هى فعلا غريبه
بس مش هنخسر حاجه قدم ونشوف ايه اللي هيحصل
وماتنساش الدورات اللي خدتها الفتره اللي فاتت هتساعدك
عاصم: بس ممكن يكشفونى من اسم والدى؟!!
طاهر: لا ماافتكرش عادى اسمك ممكن يتكرر كتير..و لو حد سألك قول تشابه اسماء مش اكتر
عاصم: خلاص توكلنا على الله ربنا يصلح الحال
طاهر سمع صوت تليفونه برقم غريب
طاهر: الووو السلام عليكم
هيام: وعليكم السلام انا هيام سليم المحاميه يااستاذ طاهر
طاهر: أهلا أهلا استاذه هيام
هيام: انا اسفه انى اتأخرت عليك بس الموضوع كان معقد واخد وقت عما وصلنا للمعلومات المطلوبة
طاهر بلهفه: خير يااستاذه هيام طمنينى
هيام: ................................
وبعد دقايق
لاحظ عاصم ان ملامح طاهر اتغيرت وبان فيها حزن وخيبه أمل بعد مكالمه التليفون
عاصم بفضول: خير ياعمو طاهر في ايه شكلك زعلان هى المحامية قالت لك حاجه وحشه
طاهر بارتباك: لا ياعاصم مفيش حاجه بس كان فيه واحد صاحبى هيساعدنا كتير بس للاسف عرفت انه ماااات
عاصم: طيب المحاميه لسه ماوصلتش لعمى ولا لحور اختى
طاهر: للاسف لسه بس إن شاء الله نوصلهم قريب
ركز انت بس في موضوع الشغل وظبط في "السى في"بتاعك وحط فيه الشهادات اللي خدتها وان شاءالله ربنا ييسر الأمر
وصل عاصم لمقر الشركه لقي ناس كتير جدا جايه تقدم علي الوظيفه
حس بيأس انه يتقبل
بس قرر يكمل للآخر
عز: الحلو وصل يابابا تحب نبلغه انه اتقبل بعد المقابله؟!
حسن: لا لا اتقل
قوله هنبقى نتصل بيك
عز: اوك
........
وبالفعل بعد اربع ايام اتصلوا بيه وكان عاصم طاير من الفرحه انه اتقبل في الوظيفة
طاهر: تعالي معايا ياعاصم للمحاميه ونقعد سوا ونحدد هنعمل ايه بالضبط
........
هيام:طبعا يااستاذ عاصم انت هتحاول تجمع اى معلومات
اوراق حسابات تحسها مش مضبوطه
لو قدرت تعرف مين بيتردد علي الشركه كتير من غير مايكون مرتبط معاهم بشغل العقارات
عايزين نوصل لطرف خيط يوصلنا للناس اللي بيساعدوه
وكمان لو قدرت تتصاحب مع حد يكون مقرب اوى منهم وتحاول تستدرج منه معلومات من غير اسئله مباشره
الموضوع لازم ياخد وقت ..يعني في البدايه ركز في شغلك واوعى تلفت النظر ليك بالأسئلة الكتير
عشان محدش يشك فيك وواحده واحده هتقدر توصل للمعلومات من غير ماحد يحس
عاصم: تمااااام
هيام: وبالنسبة لموضوع حور لسه ماعرفناش عيله الاستاذ عبد الرحمن راحت فين بعد وفاته بس ان شاءالله قريب نوصل لمعلومه تفيدنا
عاصم بصدمه: هو عمى عبدالرحمن مااات
طاهر: سامحنى ياعاصم مرضيتش أقولك الا لما نوصل لمعلومه عن أختك
هيام: انا اسفه انى بلغتك افكرتك عارف
عاصم: مات امتى؟!
هيام: مات بعد سنه واحده من سفره
ظهر الحزن علي ملامح عاصم عشان اخته
عاشت مع زوجه عمه القاسيه زى ما طاهر قال... وفضل يفكر ياترى بتعاملها ازاى طول السنين اللي فاتت دى؟!!!!
★★★★
عاصم استلم شغله واكتشف انه بعيد عن اداره الشركه ومعزول في دور لوحده
خاص بحسابات رواتب الموظفين
حس بالضيق لانه بالطريقه دى مش هيقدر يوصل لاى معلومه....
لكن كان بيصبر نفسه
انه علي الاقل هيقبض راتب كويس يقدر يصرف بيه علي نفسه
علي أمل الوضع يتغير ويقدر يغير شغله وينزل مع اداره الشركه
ومايعرفش انه فيه ناس بتخطط تدمره ومستنيه اشاره من حسن الجوهرى......
★★★
في فيلا الجوهرى
كانوا قاعدين بيتغدوا سوا حسن وآسر وعز
حسن: ايه اخبارك ياآسر عامل إيه في شغل الجامعه بتاعتك؟!
آسر: الحمد لله ياعمى أنا كويس
حسن: ما ناويتش تعقل كده وتيجى تشوف معانا شغل شركتنا
آسر بضيق: انا أسف ياعمى أنا مرتاح هناك اكتر
حسن بغيظ: طيب براحتك...بس اعمل حسابك الشركه عامله حفله كبيره بمناسبه نجاح مشروعنا
ولازم تكون موجود
آسر: حاضر ياعمى ان شاءالله هكون موجود
.......
عاصم فرح لما لقي دعوه لكل الموظفين في الشركه للحفله
وقال ممكن تكون فرصة انى أتعرف على حد يوصلنى لأى معلومه
وفعلا حضر الحفله
وبدأ يتعرف على اكتر من واحد بس بسطحيه زى ماالمحاميه نبهته
كان واقف بيبص في تليفونه سمع صوت بيكلمه التفت
آسر بابتسامة: أهلا ياأستاذ اتعرف بحضرتك
عاصم: اسمى عاصم حمدى بشتغل محاسب في الشركه وأنت؟!!
آسر: انا آسر مصطفى الجوهرى
اتغيرت ملامح عاصم لما عرف انه ابن قاتل أبوه وأمه..
آسر: ايه سرحت فى إيه؟!
عاصم: لا أبداً
آسر: بصراحه انا جيت أتعرف عليك لانى حاسس انى شوفتك قبل كده بس مش فاكر فين!!
عاصم : ماافتكرش صراحه نكون اتقابلنا قبل كده اصل انا جديد في الشركه
آسر: لا مش في الشركه لانى اصلا مابشتغلش هناك
عاصم باستغراب: أمال حضرتك بتشتغل فين؟!
آسر: انا دكتور في كليه الحاسبات والمعلومات في جامعة القاهرة
عاصم والحيره ظاهره عليه: غريبه صراحه
يكون عندك شركة بحجم شركتكم وتشتغل في الجامعة
آسر ضاحكا: ياربى الجمله دى بسمعها كل يوم من عمى هى ورايا ورايا
عاصم : أصلها غريبه فعلاً
آسر: اصل انا مابحبش شغل البيزنس ده من صغرى غاوى مجال الحاسب
وبابا الله يرحمه سابنى براحتي
عاصم في نفسه: الله يحرقه
عاصم: سعيد انى أتعرفت عليك يا دكتور آسر
آسر: وانا كمان ياعاصم
استأذنك
رجع عاصم من الحفله وحكى لطاهر كل اللي لاحظه وشافه في الحفله
والحوار اللي دار بينه وبين آسر
طاهر: انا اعرف من قدرى اخويا انه فعلا غيرهم طول عمره في دراسته وسافر عمل الماجستير واشتغل في الجامعة
ومالوش في شغلهم
انما عز ابن عمه هو دراع حسن اليمين ووارث شره وجبروته
★★★★
جورى: خلاص كده يااسراء احنا جاهزين بكره للامتحان الميدتيرم
ولا لسه فيه حاجه واقفه معاكى
اسراء: لا كده تمام التمام
تعالي نروح نتفرج على التلفزيون ولا نعمل اى حاجه تسلينا انا زهقت
جورى: ماشى ياستى يلا بينا
★★★★
اتصلت هيام بطاهر. وطلبت منه يجى هو وعاصم عشان عرفت معلومات مهمه وبالفعل راح لها طاهر وعاصم بسرعه
طاهر بلهفة: خير يااستاذه هيام ايه الاخبار الجديدة؟!!
هيام : بصراحه مش عارفه اقولكم هى اخبار حلوه ولا وحشه
باختصار زى ماقولتلكم ان الاستاذ عبد الرحمن اتوفي بعد سنه واحده من سفره
واستغربنا ليه زوجته وأولاده مارجعوش مصر بعد
وفاته
وفعلا واحد اعرفه هناك بلغته يعمل تحريات عنها
اكتشفت انها سافرت من٠٠٠٠ وراحت٠٠٠٠ من عشر سنين
وللاسف عرفنا انها اشتغلت في أعمال منافيه للآداب
واتقبض عليها قبل كده وبرده مستمرة في نشاطها
والأسوأ انها كمان استغلت بنتها معاها مؤخرا
فى الأعمال دى
صرخ عاصم : قصدك تقولى ان اختى هى اللي بتشتغل م........
قاطعته هيام: اهدى ياعاصم مش هقدر اجزم بحاجة دلوقتي ان شاءالله بكره او بعده اكون وصلت لكل المعلومات
انهار عاصم : مش قادر اصدق
انا حاسس انى في كابووووس طويل
مش بينتهى ابدا
طاهر: اهدى ياعاصم وقول يارب وان شاءالله ربنا هيطمنا علي حور
قوم ياعاصم نصلي المغرب وندعى ربنا وانا متأكد أنه هيستجيب لنا لأننا مظلومين
ده ربنا بيقول " أمن يجيب المضطر إذا دعاه ويكشف السوء"
هيام: صدق الله العظيم ونعم بالله يااستاذ طاهر
طاهر: متشكر جدا ليكى يااستاذه هيام مش عارفين من غيرك كنا هنعمل ايه؟!!
هيام: لا شكر على واجب ده واجبى
تصدق يااستاذ طاهر عمر مافيه قضيه شغلت بالي زى قضيتك دى
ان شاءالله انا متفائله خير
★★★★
في الجامعه
دخلت اسراء وجويريه المدرج بدرى وقعدت في اول صف زى ماهى متعوده
رنا"زميله جورى واسراء: هى البت اللي اسمها جويريه المعفنه دى هتفضل قاعده قدام كده طول المحاضرات؟!!
سها بخبث: كل المحاضرات ولا محاضره الدكتور آسر يالئيمه
رنا بغيظ: طيب بذمتك مش حارق دمك وهى قعداله كده في أول صف وهو طول المحاضره عينه راحه جايه عليها
سها: بس هى بتقعد كده في كل المحاضرات يارنا وكمان البنت في حالها اوى وشكلها غلبانه كده ولابتكلم حد غير البت اللي شبهها اللي ماشيه معاها
رنا بغضب: ايه يا سها انتى صاحبتى ولا صاحبتها
تعالى معايا نقوم البنت البيئه دى وصاحبتها من هنا ونقعد مكانها
انا معجبه اوى بآسر يا سها ولما بشوف اهتمامه بالزباله دى دمى بيفوووور
يلا تعالي
سها بقله حيله: يلا اما نشوف اخرتها معاكى
اسراء: بقولك ايه هروح اضبط الطرحه بسرعه وراجعه
جورى: طيب بسرعه قبل ماالمحاضره تبدأ
خرجت اسراء من المدرج
قربت منها رنا ومعاها سها
رنا بلهجه متعاليه: انتى يااستاذه جويريه انتى خلاص اشتريتى المكان ده ولا حاجه؟!كل يوم قاعده هنا!!!!
اتصدمت جويريه من طريقتها في الكلام معاها
جويريه بصدمه: مش فاهمه تقصدى ايه؟!
رنا بغضب: قصدى تقومى من هنا مش كل يوم قاعده في نفس المكان ايه بابا دافعلك ايجاره؟!!!
جويريه بدهشة: اشمعنى المكان ده بالذات المدرج فيه اماكن كتير وقدام برده اشمعنى عايزه تقومينى انا؟!!
رنا بانفعال شديد: اصل دول شكلهم ولاد ناس واتكسف اكلمهم انما انتى بمنظر هدومك دى شبه مرات البواب بتاع عمارتنا..يلا قومى من هنا بقولك
جويريه بدأت تبكى من الاحراج : انا مش هقوم من مكانى ...انتى ازاى تكلمى واحده زميلتك بالطريقة دى؟!!
رنا بغضب شديد وبصوت عالي,: زميلتى ايه ياحيوانه انتى..شكلك جايه هنا غلط أساسا بمنظرك ده!!!!
في اللحظه دى كان آسر دخل المدرج وبدأت أصواتهم تهدى فظهر صوت رنا عالى جدا وجويريه بدأت تنهار وتبكى بحرقه
وخصوصاً لما لقت آسر قدامها وسمع رنا وهى بتشتمها وبتستهزأ بيها قدام كل الدفعه
آسر بان علي ملامحه الغضب والغيظ من رنا
وصرخ فيها: انتى ياانسه؟!!
انصدمت رنا بوجوده واتمنت الارض تنشق وتبلعها في اللحظه دى
دخلت اسراء وهى مستغربه ومش فاهمه ليه متجمعين قدام جويريه
دخلت قعدت مكانها لقت جويريه بتعيط بحرقه اخدتها في حضنها وفضلت تطبطب عليها
اسراء بحيره: ايه اللي حصل ياجورى؟!!
لكن جويريه ماقدرتش ترد عليها
آسر لرنا بعصبيه وبصوت عالي: اسمك ايه؟!
رنا بارتبااااك رهيب: رنا الدمنهورى
آسر: اعتذرى لجويريه حالا قدام الدفعه كلها
تصنعت رنا العياط: هى اللي بدأت تستفزنى انا مظلومه والله
كلامها زود عصبيه آسر ووشه بقي أحمر بشده: قولت لك اعتذرى لها حالا.....
رنا بكره وحقد : اسفه ياجويريه
آسر بحزم : اتفضلى بره المدرج وممنوع تحضرى لى محاضرات لآخر السنه
رنا ماكنتش قادره تستوعب الموقف اللي حطت نفسها فيه
خرجت من المدرج وهى بتعيط ومحروجه بعد ماطردها قدام الكل
قرب خطوتين ونادى علي جويريه
رفعت رأسها ولسه الدموع بتسيل من عيونها
آسر: خلاص ياجويريه ماتزعليش
الموضوع خلص
ماتخليش حد يحبطك او يهز ثقتك في نفسك
وسابها وطلع مكانه على الاستيج ومسك المايك عشان يسمع كل الموجودين
ان شاءالله ياجويريه فى يوم هتكونى مكانى هنا لأنك بجد انسانه مجتهده وذكية
وعندك طموح
كملى طريقك وسيبك من اى حد يحاول يعطلك
ابتسم لها وكمل: اتفقنا؟!
ابتسمت جويريه وهزت راسها رغم انها كانت لسه بتعيط لكن فرحت اوى انه جاب لها حقها وكمان مدحها قدام كل الدفعه ورد اعتبارها
كانت اول مره تحس انها ليها ضهر بحق وحقيقي
لان مكانش ليها اب ولا عم ولا أخ ولا عمرها كانت بتصاحب ولاد
فكان تصرف آسر معاها له احساس جميل أوى وجديد على قلبها
آسر كمان كان مبسوط اوى لما لقاها بدأت تهدى وتبتسم وتتابع معاه المحاضره
مكنش فاهم ليه بيرتاح جدا لما بيشوفها ملامحها الهاديه البريئة وخجلها وارتباكها لما يكلمها
وفي نفس الوقت كان معجب بذكائها واهتمامها بمحاضراتها
ديما حاسس انها مميزه وغير كل بنات الجامعه😍
رغم ان فيه بنات ممكن تكون أجمل ولهم مظهر جذاب ويتمنوا انه يكلم واحده منهم
لكن جويريه كان لها بصمه غريبه جدا عليه
هو نفسه مش قادر يفهم سرها
..
★★★★
دخل طاهر بيجرى علي اوضة عاصم
طاهر بلهفه: قوووم ياعاصم قووووم بسررررعه
قام عاصم من النووم مفزوع
في ايه ياعمى ايه اللي حصل؟!!!
طاهر وهو حاسس بضربات قلبه سريعه ونفسه متقطع مش منتظم : مش هتصدق ياعاااصم .... حوووور
الفصل الرابع من هنا
